KZ RU
Психологиялық қызмет
2026–2027 оқу жылы · І тоқсан

Психологиялық қызмет

Психологиялық-педагогикалық қолдау қызметі аясында атқарылған жұмыстар

Білім алушылардың психологиялық әл-ауқатын сақтау, мектеп ортасына бейімделуін қамтамасыз ету, эмоционалдық жағдайын зерделеу, психологиялық қауіпсіз орта қалыптастыру және педагогтер мен ата-аналарға психологиялық қолдау көрсету бағытында жүйелі жұмыстар жүргізілді.

Психологиялық қолдау белгісі
Қызмет бағыттары

І тоқсандағы негізгі жұмыстар

01

Психологиялық қолдау

Оқушылардың эмоционалдық әл-ауқатын сақтау және мектепке бейімделуіне көмектесу.

02

Диагностика

Жас ерекшеліктеріне сәйкес психологиялық жағдайды зерделеу.

03

Профилактика және ағарту

Оқушылармен, педагогтермен және ата-аналармен жұмыс.

04

Ынтымақтастық

Қауіпсіз, сенімді және қолайлы мектеп ортасын қалыптастыру.

Ұйымдастыру және әдістемелік жұмыс

Жоспарлау және бірлескен жұмыс

Жылдық жұмыс жоспары әзірленіп, диагностикалық материалдар мен қызмет құжаттамалары жүйеленді. Мектеп әкімшілігі, сынып жетекшілері, әлеуметтік педагогтер және ата-аналармен өзара байланысқа көңіл бөлінді.

І тоқсан барысында оқушылардың эмоционалдық тұрақтылығын нығайту, жағымды қарым-қатынас қалыптастыру, өзара сыйластық пен түсіністікті дамыту мақсатында психологиялық-профилактикалық және ағартушылық жұмыстар жүргізілді.

Қыркүйек

«Жүректен жүрекке» акциясы

Акцияның мақсаты — білім алушыларға жағымды эмоционалдық көңіл күй сыйлау, мектеп ұжымында мейірімділік, өзара сыйластық, сенім мен қолдау атмосферасын қалыптастыру және жаңа оқу жылына жағымды көзқарасын арттыру.

  • Жылы лебіздер мен ізгі тілектер білдіру.
  • Бір-біріне қолдау көрсету, жағымды эмоциялармен бөлісу.
  • Достық қарым-қатынасты нығайту.
Жас ерекшеліктерін ескере отырып

Психодиагностикалық жұмыстар

1–4-сыныптар

Мектепке бейімделуді бақылау карталары.

5-сыныптар

Орта буынға бейімделу, мазасыздық және психологиялық әл-ауқат.

6–8-сыныптар

Эмоционалдық жағдай және тұлғааралық қарым-қатынас.

9–11-сыныптар

Психологиялық әл-ауқат және әлеуметтік қарым-қатынас.

Ағарту жұмысы

Ата-аналармен жұмыс

Балалардың жас ерекшеліктері, мектепке бейімделуі, эмоционалдық қолдау, сенімді қарым-қатынас орнату және психологиялық қиындықтардың алдын алу мәселелері бойынша ақпараттық-түсіндіру жұмыстары ұйымдастырылды.

Ата-аналар жиналыстарында баланың жеке ерекшеліктерін құрметтеу, психологиялық қысым көрсетпей тәрбиелеу және мектеп талаптарын түсіндіру мәселелеріне назар аударылды.

Ынтымақтастық

Педагогтермен жұмыс

«Сенімді дос» бағдарламасын іске асыру аясында педагогикалық ұжым мен қызметкерлерге арналған оқыту іс-шаралары өткізілді.

Қатысушылар бағдарламаның мақсаттарымен, міндеттерімен, жұмыс қағидаттарымен және оны тәжірибеде қолдану тәртібімен танысты. Психологиялық қауіпсіздік, эмоциялық қолдау және мамандармен бірлескен әрекет мәселелері қарастырылды.

Сенімді дос психологиялық қолдау клубының эмблемасы
Достық · Сенім · Өзара қолдау

«Сенімді дос» клубы

І тоқсанда клубты ашу бойынша ұйымдастыру жұмыстары жүргізілді. Әр сыныптан 1–3 оқушыны ерікті түрде тарту жоспарланды.

Алдағы уақытта танысу ойындары, психологиялық тренингтер, шығармашылық тапсырмалар және командалық кездесулер өткізу көзделген.

Жеке қолдау

Консультациялық жұмыс

Қолдау бағыттары

Мектепке бейімделу, тұлғааралық қарым-қатынас, эмоционалдық жағдай және оқу үдерісіндегі қиындықтардың алдын алу.

Негізгі қағидаттар

Жеке ерекшеліктерді ескеру, құпиялылықты сақтау, педагогтер мен ата-аналардың өзара ынтымақтастығы.

Қорытынды

І тоқсанда ұйымдастырушылық, диагностикалық, профилактикалық, ағартушылық және консультациялық бағыттар бойынша жүйелі жұмыстар жүргізілді.

Алдағы уақытта білім алушылардың психологиялық әл-ауқатын нығайту, қолайлы психологиялық ортаны сақтау, педагогтер мен ата-аналардың психологиялық сауаттылығын арттыру және клуб жұмысын дамыту бағытындағы іс-шаралар жалғасын табады.

Мектептің педагог-психологтері

Габдуллина К.М. · Рахметова А.Д. · Адамбекова К.Ш. · Данияр Ш.Д.

Ресми құжат

Психологиялық-педагогикалық қолдау қызметінің І тоқсанда атқарған жұмыстары туралы ақпарат

2026–2027 оқу жылы